Nora Malaj rrëfen betejën me COVID: Në 21 ditë, humba 6 kg

Ish-deputetja e LSI-së, Nora Malaj tregoi në një lidhje me News 24, se prej 3 javësh po lufton me koronavirusin.

Gjatë lidhjes shihet ndryshimi drastik që ajo ka pësuar në pamje. Malaj pranoi se përvec problemeve shëndetësore ka rënë edhe 6 kg në 21 ditët e betejës me COVID 19.

u shpreh se fillimisht mendonte që ishte prekur nga gripi, por skaneri ka treguar që po kalonte virusin.

“Kam kaluar tre javë jo të lehta…Se dija që ishte covid, mendova që ishte ftohje. E ndjeva veten të dobët, kisha temperaturë dhe kollë. Bisedova pastaj me mjekun Pipero, u alarmua edhe ai për shkak të diabetit që e kam pak të agravuar. Bëra disa analiza, u konstatua që ishte korona. Skaneri e përcaktoi përfundimisht se kisha arritur kulminacionin në ditën e 5-të”, tregoi Malaj.

LEXO EDHE  Aksident në Korçë, makina përplas këmbësoren

Ish-deputetja tha po ashtu se nga COVID 19 u prek edhe bashkëshorti.

“E mori edhe im shoq nga unë. Ai e pati në dozë më të lehtë, unë e kisha më të vështirë se më rritej edhe diabeti. Djersinim pafund të dy. Kam marrë holluës gjaku për ta përballuar, më ka lënë disa probleme edhe tek sytë, por edhe në rrugët urinare. Rashë gati 6 kg brenda 21 ditëve”, tregoi ajo ndër të tjera.