VIDEO/ U gjet i pajetë pranë një makine luksoze, viktima kishte dy mbiemra

Një 27-vjeçar u gjet i pajetë në fshatin Shkjezë të Bashkisë Vau i Dejës. Nga të dhënat e para viktima kishte plagë me armë zjarri në pjesën e kokës.

Sipas burimeve viktima është Gjin Ndoji i moshës 27 vjeç, teksa trupi i tij i pajetë është gjetur rreth orës 05:00 të mëngjesit të kësaj të diele.

Raportohet se Gjin Ndoji kishte dy mbiemra, Gjin Ndoji dhe Gjin Boriçi. Ai u gjet pranë një makine luksoze BMW.

LEXO EDHE  Gripi dhe koronavirusi/ Mjeku Tritan Kalo na tregon se si t’i dallojmë këto dy viruse nga njëra-tjetra

Vau i Dejës, Shkodër/ informacion paraprak

Më datë 09.08.2020, rreth orës 05:55, në fshatin Shkjezë, Njësia Administrative Bushat, në rrugë, është konstatuar i pajetë, shtetasi Gj. B., 27 vjeç, banues në lagjen “1 Maji”, Shkodër.

Nga veprimet e para hetimore dyshohet se ka humbur jetën si pasojë e përdorimit të armës së zjarrit.

Grupi hetimor nën drejtimin e Prokurorisë vijon punën për sqarimin e rrethanave të ngjarjes.