Hidhet për t´u larë në pishinë, humb jetën shqiptari/ Dyshimet

Një 40-vjeçar shqiptar ka humbur jetën mbrëmjen e djeshme në Ravena, Itali.

Sipas mediave, 40 vjeçari ka humbur jetën pasi është hedhur për tu larë në pishinën e hotelit ku po pushonte bashkë me familjen.

Nga të dhënat e para, ngjarja ka ndodhur rreth orës 23:00 të së shtunës në hotelin ‘Lido di Savio’ në Ravena.

Ai së bashke me familjarët dhe miqtë kishin shkuar për pushime. Gjatë darkës ata ishin duke festuar pranë pishinës.

LEXO EDHE  Covid-19 në Elbasan, konfirmohen 9 raste të reja

Rreth orës 23:00, 40-vjeçari është hedhur në pishinë për tu larë, por duket se këto ishin çastet fatale.

Familjarët dhe miqtë i kanë shkuar në ndihmë menjëherë sapo e kanë parë që ai nuk po lëvizte, por fatkeqësisht ai nuk ka dalë më i gjallë nga pishina.

Është njoftuar ambulanca dhe policia, që kanë nisur hetimet.

Nga të dhënat e para dyshohet se ai gjatë hedhjes ka thyer qafën, duke i shkaktuar vdekjen e menjëhershme.