Italia zgjat kufizimet e pandemisë deri në muajin shtator

Italia ka vendosur të zgjasë masat për frenimin e përhapjes së koronavirusit deri më datë 7 shtator.

Sipas dekretit të lëshuar nga kabineti i kryeministrit Conte, gjatë kësaj kohe maskat duhet të vazhdojnë të mbahen në hapësira të mbyllura publike.

Njerëzit duhet të vazhdojnë të mbajnë distancën fizike nga njëri-tjetri, ndërsa tubimet e mëdha mbeten të ndaluara.

Megjithatë, dekreti lejon që anijet të lundrojnë përsëri nga 15 shtatori dhe se rregullat e rrepta të higjienës duhet ende të respektohen në bordet e tyre.

LEXO EDHE  Paralajmërimi i kreut të Komitetit të Sëmundjeve Infektive në Greqi, Tsiodra: Qeveria po dështon me planin kundër covid

Nga 1 shtatori, panairet tregtare do të lejohen të hapen përsëri.

“Ne nuk duhet të mbetemi prapa dhe të zhbëjmë përpjekjet tona. Unë i kuptoj të rinjtë që dëshirojnë të kthehen në jetën e natës, por njeriu duhet të sillet me përgjegjësi. Shëndeti i të dashurve tuaj është në rrezik”, tha Conte.