Liga e Kampioneve u rikthye mbrëmjen e djeshme teksa nuk munguan surprizat. Juventus dhe Real Madrid I thanë lamtumirë Championsit që në fazën e 1/16-ve, ku në çerekfinale kaluan Lyoni dhe Manchester City duke iu bashkuar kështu, Atletico Madrid dhe PSG ndërsa sot mësohen dy skuadrat e fundit çerekfinaliste.
Bayern Munchen pritet ta ketë të lehtë ndaj Chelseat në “Allianz Arena”. Bavarezët kanë fituar ndeshjen e parë në “Stamford Bridge” me shifrat 0-3 dhe këtë sonte i duhet vetëm të ruajnë këtë rezultat.
Ndryshe mund të themi për Barcelonën. Katalanasit nuk arritën të siguronin asgjë në Napoli dhe u duhet ta zgjidhin gjithçka sonte në “Camp Nou”. Ndeshja e parë ka përfunduar në barazim 1-1. Katalanasit nuk po kalojnë një moment të mirë dhe Napoli ka besim se mund t’i mundë. Mbetet të shihet se ç’do bëjnë Hysaj me shokë.
Të dyja sfidat luhen në orën 21:00.
