Mbyllja e bizneseve/ Meta: Vitrinë e dhimbshme, Qeveria të hartojë strategjitë efikase

Presidenti Ilir Meta ka shprehur shqetësimin për mbylljen e bizneseve si pasojë e krizës së shkaktuar nga pandemia e koronavirusit.

Meta shkruan se kjo është vitrinë me e dhimbshme e pasojave që po lë pas kjo pandemi.

Ai bën thirrje për mbështetje ndaj kërkesave të biznesit të vogël përmes një strategjie konkrete dhe efikase, në mënyrë që të shmanget humbja e vendit të punës për mijëra persona.

“Mbyllja e mijëra qepenave të biznesit të vogël në mbarë vendin, është vitrina më e dhimbshme e pasojave tepër serioze dhe të prekshme në ekonominë kombëtare të efekteve negative të pandemisë COVID-19.

LEXO EDHE  Tjetër aksident në Tiranë, automjeti përplas të moshuarin

Të dëgjohen dhe mbështeten kërkesat e biznesit të vogël, përmes nje strategjie konkrete dhe efikase, për të shmangur humbjen e dhjetëra mijëra vende pune, katastrofat në ekonominë e çdo familje shqiptare dhe frenuar rritjen e mëtejshme të nivelit të papranueshëm të varfërisë”, shkruan Meta.