Vijon e rënduar situata në Kosovë/ 16 humbje jete në 24 orë, 196 raste pozitive me Covid

Në Kosovë vijon të jetë e rëndë situata nga koronavirusi. Gjatë 24 orëve të fundit kanë humbur jetën 16 pacientë.

Në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 475 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 196 raste pozitive.

Numri total i rasteve pozitive është 9.688 raste nga 39.278 persona të dyshimtë në virusin SARS-CoV-2, me gjithsej 300 raste të vdekjes të cilët kanë pasur sëmundje të tjera shoqëruese.

LEXO EDHE  Paralajmëron Merkel: Gjermania rrezikon të ketë mbi 19 mijë raste ditore me koronavirus!

Gjatë 24 orëve të fundit, janë shëruar 134 pacientë derisa numri i përgjithshëm i të shëruarve deri më sot është gjithsej 5.480 raste, kurse numri i rasteve aktive është 3.908.