Pacientët me qese me ushqime te QSUT, Meta: Pamje shqetësuese

Presidenti Ilir Meta kërkon informimin e familjarëve të pacientëve të prekur nga Covid-19.

Meta ka publikuar disa imazhe të këtyre familjarëve që presin jashtë spitalit Infektiv për një lajm të mirë për të afërmit e tyre.

Kreu i shtetit thotë se këto pamje kërkojnë një reflektim të menjëhershëm.

“Familjarët e qytetarëve të prekur nga COVID-19 meritojnë të trajtohen denjësisht dhe të informohen me transparencë të plotë për shëndetin e të dashurve të tyre, të cilëve ju uroj shërim sa më të shpejtë.

LEXO EDHE  Rastet me koronavirus, infektohet infermierja dhe mësuesi i fiskulturës

Pamjet shqetësuese të publikuara sot në media për grumbullime të shumta në ambientet e jashtme të Spitalit Infektiv në Tiranë kërkojnë reflektim të menjëhershëm”, shkruan Meta.