Kampionët e Superligës, Tirana, kanë zyrtarizuar futbollistin e tretë në merkaton e verës.
Pas Ardit Tolit dhe sulmuesit Albion Avdijaj, në kampin bardheblu kanë blinduar krahun e djathtë të prapavijës me afrimin e Kristijan Toshevskit.
“Klubi i Futbollit Tirana njofton afrimin e lojtarit Kristijan Toshevski. Mbrojtësi i djathtë vjen si një përforcim me shumë vlera për dy sezonet e ardhshme pranë skuadrës bardheblu.
Futbollisti do t’i bashkohet Tiranës në fazën përgatitore e cila pritet te fillojë në ditët në vazhdim”, shkruan Tirana në njoftimin e bërë.
Toshevksi ishte pjesë e Vardar sezonin e fundit teksa fitoi edhe titullin kampion në kampionatin maqedonas.
