Vllaznia tenton ringritjen, klubi shkodran pritet të ketë një staf gjermano-kroat

Pas vështirësive të shfaqura gjatë këtij sezoni duket se gjërat po marrin drejtimin e duhur për klubin e Vllaznisë.

Alban Xhaferi është donatori i ri i klubit verior, teksa postin e drejtorit sportiv do e mbajë Matko Djarmati, një emër që ka luajtur në Superiore dhe e njeh mirë futbollin shqiptar.

Kroati, i cili i ka kaluar ditët e fundit me ekipin shkodran, do e nisë punën nga pankina dhe Vllaznia do të ketë një trajner gjerman. Ai është Thomas Brdaric, 45-vjeçari i cili ka provuar të luajë si sulmues në Bundesligë me skuadrat e Bayer Leverkusen, Stuttgart dhe Wolfsburg.

LEXO EDHE  Ernest Gjoka: Ndaj Tottenham paraqitemi denjësisht, sfida me Mourinhon më motivon

Brdaric ka nisur punën si trajner prej vitit 2009. Ai ka provuar disa aventura në futbollin gjerman, teksa ka drejtuar edhe Shkëndijën e Tetovës gjatë periudhës janar-maj të vitit 2017. Kroatin e presin në Shkodër, aty ku do të zbarkojë të enjten ose të premten.