“Eksod” te Vllaznia, një tjetër futbollist largohet

Pas largimit të mesfushorit, brazilian Hygor, një tjetër lojtar i huaj është larguar nga Vllaznia. Ai është Silvio Rodrigues Pereira Junior, sulmuesi 26-vjeçar, i cili provoi të veshë dy herë fanellën kuqeblu në dy sezonet e fundit.

Klubi verior dhe lojtari brazilian, kanë arritur marrëveshjen për ndërprerjen e bashkëpunimit. Silvio shënoi 11 gola sezonin e kaluar në Kategorinë e Parë, ndërsa këtë sezon e gjeti 4 herë rrugën e rrjetës në Superiore dhe 2 herë në Kupën e Shqipërisë.

LEXO EDHE  Liga Profesioniste i përgjigjet Ramës: Bëhu gati për…

Me anë të një njoftimi në rrjetet sociale, Vllaznia, e falënderon futbollistin për kontributin e dhënë dhe i uron suksese në karrierën e tij të mëtejshme, teksa nuk mungojnë falënderimet për aventurën e kaluar në Shkodër edhe nga vetë lojtari.