U gjet i vdekur në rrugë/ Ja çfarë thotë policia për vrasjen e 71-vjeçarit

Policia e Tiranës ka dalë në një informacion paraprak lidhur mbi vrasjen e ndodhur gjatë pasdites në Fushë-Prezë, ku një 71 vjeçar u gjet i pajetë në rrugë.

Tiranë/Informacion paraprak

Me datë 03.08.2020, rreth orës 16:45, në Fushë-Prezë, në kryqëzim me rrugën e Rinasit, në rrethana ende të paqarta dyshohet se është vrarë me armë zjarri shtetasi A. B. 71 vjeç, banues në fshatin Hametaq, Njësia administrative Prezë.

Shërbimet e Policisë me marrjen e njoftimit kanë shkuar menjëherë në vendngjarje , ku kanë bërë rrethimin e zonës, janë ngritur pika kontrolli në aksin rrugor Rinas -Fushë-Krujë, Rinas-Vorë -Tiranë.

Grupi hetimor ndodhet në vendngjarje dhe po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve.

Nën drejtimin e Prokurorisë vijon puna për zbardhjen e plotë të rrethanave të ngjarjes.

LEXO EDHE  Ivi Kaso: Programi i PD-së hartuar me ekspert më të mirë vendas dhe ndërkombëtar