Mbyllet sezoni i Serie A, ja rezultatet e mbrëmjes së sotme

Serie A është mbyllur zyrtarisht ditën e sotme pasi janë luajtur edhe ndeshjet e fundit të javës së 38-të, ku vëmendja kryesore ishte zhvendosur në dy stadiume, Genova dhe Leçce.

Në “Marassi”, skuadra kuqeblu priste Veronan e Juric, ndërsa në “Via del Mare”, ekipi i Liveranit priste Parma. Të dy ekipet luftonin për mbijetesën dhe qëndrimin në Serie A edhe për sezonin tjetër por në fund vetëm njëra ia doli!

LEXO EDHE  Video/ Alvaro Morata mbërrin në Torino, zbulohen detajet e kontratës me Juventusin

Ia doli Genoa, me suksesin 3-0 ndaj Verona, madje që në pjesën e parë, duke larguar fantazmat, teksa Lecce u godit dy herë nga Parma, reagoi por në fund demoralizimi i rezultatit në “Marassi” bëri që të dorëzohej dhe humbiste 3-4 duke u kthyer në Serie B, që nga sezoni tjetër.

Protagonisti dhe heroi i Genoas ishte Sanabria me dy golat e tij.