Një mjek nga New York ka zhvilluar një test të shpejtë të koronavirusit që mund të japë rezultate të sakta për 30 minuta ose më pak, raporton newyorkpost.
Testi, i zhvilluar nga Dr. Zev Williams, një endokrinolog riprodhues që drejton Qendrën e Fertilitetit të Universitetit Columbia dhe kolegët e tij, përdorën pështymën e një personi për ta ekzaminuar nëse është infektuar me COVID-19.
Një mostër e vogël e pështymës vendoset në një tub që përmban enzima dhe një përbërës që shkakton reaksion kimik përpara se tubi të ngrohet në një nxehtësi të caktuar. Lëngu në tub kthehet në të verdhë kur është pozitiv me virus ose në të kuq kur është negativ, raporton abcnews.al
Testi ishte në gjendje të zbulonte një ose dy kopje të virusit SARs-CoV-2 në një mikrolitër të pështymës, sipas studimit paraprak të botuar nga Williams në MedRxiv – do të thotë se mund të zbulojë nëse personi është i infektuar.
“Ky test është shumë, shumë i thjeshtë, shumë i shpejtë dhe është jashtëzakonisht i saktë”, tha Dr. Henry Ji, president dhe CEO i Sorrento Therapeutics, i cili është partner me Universitetin Columbia.
Nëse testi rezulton i suksesshëm në hulumtimet e mëtejshme, Williams shpreson se mund të ndihmojë në frenimin e përhapjes së infektimit duke ndihmuar në gjurmimin e kontaktit, raporton abcnews.al
Sorrento është duke kryer një studim më të madh të testit të pështymës përpara se të aplikojë për autorizim në FDA. Kostoja për pritet të jetë nën 15 dollarë./abcnews.al
