4 të mbytur në 24 orë në lumenjtë Bunë, Vjosë e Drini i Zi

Katër persona janë mbytur në lumenj të ndryshëm gjatë 24 orëve të fundit në vendin tonë.

Fillimisht dy persona janë mbytur në ujërat e lumit Buna në Shkodër. Viktimat janë Dhurim Arra 39 vjeç, dhe 14-vjeçari me inicialet F.P të cilët janë gjetur të pajetë nga polumbarët pas disa orësh kërkime.

Ndërkohë në lumin Vjosë sot është mbytur një 30-vjeçar. Viktima është A.B., 30 vjeç, banues në Gorishovë i cili është futur në lumë për t’u larë por nuk ka mundur të dalë i gjallë.

LEXO EDHE  "Komunist, hibrid politik", Manjani nuk ndalet ndaj Bashës: Je në delir të rëndë

Së fundmi viktima e katërt është mbytur në ujërat e lumit Drini i Zi. Viktima është një 18-vjeçar i quajtur Edison Zuna.

Ai ka qenë së bashku me tre shokët e tij në lum ku më pas edhe është mbytur. Thuhet se të rinjtë kanë qenë duke pedaluar në ujë me një varkë plastike pranë fshatit Selane.

Temperaturat e larta të ditëve të fundit kanë bërë që shumë qytetarë të frekuentojnë për tu larë lumenjtë, por rrjedha e shpejtë e tyre në vetëm 24-orët e fundit u ka marrë jetën 4 personave.