Mes shumë polemikave, Artan Hoxha zgjidhet Rektor i Universitetit të Tiranës

Artan Hoxha sapo është zgjedhur Rektor i Universitetit të Tiranës, pasi ka arritur të sigurojë 54% të votave.

Mësohet se Artan Hoxha ka marrë 348 vota nga pedagogët dhe stafi akademik, përkundrejt kundërshtarëve të tij, Mimoza Hafizit, e cila ka marrë 176 vota, dhe Kozeta Sevranit, që ka siguruar 122.

Këto zgjedhje u zhvilluan mes shumë polemikash, si për mënyrën e procesit dhe garës, po ashtu edhe për shkak të pandemisë.

E gjithë vëmendja në këto zgjedhje ishte te gara për rektor në Universitetin e Tiranës, për të cilin kanë të drejtë vote 718 personel akademik dhe mbi 25 mijë studentë.

LEXO EDHE  Mbyllet takimi i Berishës në Berat, ja ku do të zhvillohet “foltorja” e radhës

Nëse vota e stafeve akademike ka një peshë të madhe për strukturat drejtuese, e kundërta ndodh me votën e studentëve e cila është vetëm 10%, kjo ishte edhe një nga arsyet që kishte pjesëmarrje të ulët nga këta të fundit.

Edhe në universitetet publike në rrethe, interesi i studentëve ishte i vogël për të zgjedhur rektorin, pasi në disa prej tyre kishte vetëm një kandidat në garë, madje dhe garonin për një mandat të dytë.

Një grup studentësh duke i konsideruar zgjedhjet në universitete të paligjshme, i kanë kërkuar presidentit që të mos i dekretojë ato.