Zyrtare/ Andrea Pirlo rikthehet te Juventusi, caktohet trajner

Legjenda e futbollit italian, Andrea Pirlo, do të rikthehet të jetë sërish pjesë e Juventusit.

Ish-mesfushori i Brescias, Interit, Milanit dhe Juventusit, do të rikthehet të jetë aktiv në rolin e trajnerit.

Pirlos do t’i besohet detyra e trajnerit të ekipit U-23, ekip ku aktivizohet dhe Giacomo Vrioni, sulmuesi i Shpresave kuqezi. Pirlo është një emër shumë i respektuar në botën e futbollit dhe ka miliona admirues.

Vlerë e shtuar për Juventusin dhe Pirlo tashmë, do të ketë detyrën e nxjerrjeve të sa më shumë talenteve për ekipin e parë. Detyrë e vështirë, por jo e pamundur, pasi Pirlo ka treguar se ka një instinkt të jashtëzakonshëm në pikasjen e talenteve.

LEXO EDHE  Bundesliga/ Bayerni dhe Dortmund nuk zhgënjejnë, fiton edhe Leipzig