I infektuar me Covid-19, humb jetën mjeku shqiptar

Kryetari i Komunës së Prizrenit, Mytaher Haskuka, ka njoftuar se sot ka vdekur mjeku, Lulzim Kolgjeraj, si pasojë e infektimit me virusin COVID-19.

Mësohet se mjeku Kolgjeraj kishte qenë i shtrirë në Qendrën Klinike Universitare në Prishtinë për tre javë rresht në betejën me COVID-19.

Lulzim Kolgjeraj ka shërbyer si mjek i shëndetësisë primare në Prizren për rreth tri dekada dhe ka qenë specialist i mjekësisë familjare në QMF në Gjonaj të Prizrenit.

“Pas tri javë hospitalizimi në QKUK, sot betejën ndaj koronavirusit ka humbur një profesionist i dalluar mjekësor, doktor Lulzim Kolgjeraj. Dr. Kolgjeraj i ka shërbyer shëndetësisë primare në Prizren për rreth tri dekada dhe ka qenë specialist i mjekësisë familjare në QMF në Gjonaj. Kjo është një humbje e madhe jo vetëm për familjen, por edhe për gjithë komunitetin shëndetësor.

LEXO EDHE  Ndryshon moti, ja çfarë ndodh me kohën javën e ardhshme

Në emrin tim personal dhe në emër të qytetarëve të Komunës së Prizrenit, shpreh ngushëllimet e mia më të sinqerta për familjen Kolgjeraj dhe kolegët e tij.

Zoti jua lehtësoftë dhimbjen!”, ka shkruar Haskuka në rrjetet sociale.