Përfaqësuesi i PS në Këshillin Politik, Damian Gjiknuri, tregoi pas mbledhjes së Këshillit Politik se çështja që ndan palët, lidhet me koalicionet parazgjedhore.
Gjiknuri tha se maxhoranca e ka bërë publike dhe të qartë formulën e kompromisit, që i kërkon PD të gjejë një model të një vendi që ka sistem proporcional rajonal dhe ta paraqesë për të vendosur më pas në Kodin Zgjedhor mënyrën se si do përcaktohen koalicionet parazgjedhore.
“Nuk japin asnjë argument përtej kushtit që ne duam që koalicionet të jenë në formën siç janë e ne s’duam asgjë tjetër.
U konstaua që amendimet kushtetuese nuk pengojnë hapjen e listave dhe as çështjen e koalicioneve parazgjedhore.
Këto janë çështje që rregullohen në Kodin Zgjedhor.
PD ka teknikën e bllokimit për të mos bërë të mundur këtë arritje.
Opozita parlamentare ka ofruar kompromis dhe maxhoranca ka ofruar kompromis me qëndrimet e saj.
Ata janë fatkeqësisht në të njëjti qëndrim.
Kompromisi është bazuar në atë deklarim publik që kanë bërë, se e pranojnë që asgjë s’e pengon hapjen e listave.
Të zgjedhin një model si paraqiten listat e kandidatëve në koalicionet parazgjedhore të vendeve që kanë sistem proporcional rajonal, ta zgjedhin në vendet e OSBE-ODIHR, një model është dhënë nga Letonia, në mos ajo Hollanda.
Pra të gjejmë model të një vendi perëndimor e jemi të gatshëm, ta formuloimë në atë mënyrë koalicionin.
Pra koalicionet lejohen, rregullohen në kodin zgjedhor e të marrim model të një vendi, kjo është formula e kompromisit dhe është publike”, tha ai.
