Tre deputetë, Ralf Gjoni, Enver Roshi dhe Elio Hysko, janë konfirmuar nga koronavirus. Të tre ligjvënësit ndodhen në gjendje të mirë shëndetësore dhe janë karantinuar në banesat e tyre.
E ndërsa pritej që Kuvendi të ndërpriste punimet, kjo nuk ka ndodhur. Të dy seancat, më 29 dhe 30 korrik, do të zhvillohen, ndërsa masa e vetme është që koha e diskutimeve do të jetë minimale.
Gjithashtu, Kuvendi do të bëjë edhe desinfektimin e ambienteve.
Dy seancat e fundit janë paracaktuar për datën 29 dhe 30 korrik, ku është lajmëruar se do të votohet hapja e listave dhe ndryshimet kushtetuese sipas marrëveshjes bërë me opozitën parlamentare.
Roshi është drejtues i Komisionit Parlamentar të Shëndetësisë dhe pothuajse çdo ditë ka qenë në mjediset e Kuvendit, ndërsa Gjoni ka qenë mjaft aktiv në takimet lidhur me hapjen e listave.
