Në një moment që numri i të rinjve të infektuar me koronavirus rritet, një studim i kryer nga shkencëtarë pranë spitalit të fëmijëve në San Francisko, tregon se rinia mund të mos ndihmojë në mbrojtjen ndaj formës më të ashpër të Covid 19.
Studimi bazohet në të dhëna të marra nga një kampion prej rreth 8 400 burrash dhe gra të reja të moshës 18 – 25 vjeç, dhe del në përfundimin se 33 për qind e meshkujve ishin më të prekshëm nga forma e ashpër e virusit ndërsa tek femrat përqindja është 30 për qind.
Pasojat e duhanpirjes janë më të mëdha se atyre të rreziqeve më të zakonshme. Ndërkohë të dhënat e qendrës për kontrollin dhe parandalimin e sëmundjeve, që nuk përfshihen në këtë studim tregojnë se në një kohë që pacientët mbi moshën 65 vjeç janë më të prirur të shtrohen në spital se sa të rinjtë, kjo diferencë është ngushtuar gradualisht. Në fundjavën e 18 prillit kishte 8.7 shtrime në spital për çdo 100 mijë banorë të moshës 18 deri në 29 vjeç, krahasuar me 128.3 shtrime për cdo 100 mijë njerëz të moshës mbi 65 vjec. Në fundjavën e 27 qershorit, shifrat ishin 34.7 dhe 306.7 duke treguar një rritje prej 299 përqind të shtrimeve në spital për të rinjtë e rritur përballë 139 për qind të rritjes së shtrimeve për të rriturit e tjerë
Disa nga elementët që ndikojnë në një formë më të rëndë Covid-19 tek të prekurit janë: sëmundjet e zemrës, diabeti, astma, gjendja imunitare, gjendja e veshkave, obeziteti dhe duhanpirja në 30 ditët e fundit para infektimit të mundshëm. Gjithashtu shkencëtarët i kanë shtuar listës dhe cigaret elektrike, përdorimi i së cilës ka ndikimin e saj në mushkëri dhe në sistemin imunitar.
Duke studiuar një sërë të dhënash përfundimi është se duhanpirësit janë 100 për qind të prekshëm nga një formë e ashpër e Covid 19.
Mundësia e prekshmërisë nga një formë e rëndë është në 16.1 për qind për 6.741 jo duhanpirës, kundrejt 31.5 përqind për 8.405 të rinj të rritur ku përfshihen dhe duhanpirësit.
Studimi tregon se numri i duhanpirësve është më i madh se atyre që vuajnë nga astma apo nga obezitetit ose çrregullime imunitare./abcnews.al
