Deputeti Lefter Maliqi e ka cilësuar Kryeministrin Edi Rama një mashtrues ordiner. Referuar maskës së zezë që hera herës mban Rama, Maliqi tha se ai ka fytyrën, zemrën dhe shpirtin më të zi se maska. Maliqi u shpreh se Rama i vuri shqelmin demokracisë dhe varfëroi shqiptarët.
“Fjala ime 1 minutë në Parlamentin e kapur dhe të krimit kundër Ramziut duke ja thënë në sy sot.
Z.Ruci minutazhin tim këtej e tutje jepja ketij fytyrës me maskë të zezë, që ka fytyrën, zemrën dhe shpirtin më të zezë se maska e tij, i cili mashtroi, varfëroi shqiptarët, i vuri shqelmin demokracisë dhe populli do ia plas në fytyre timonin dhe tepsinë këtij mashtruesi.
Ftoj mediat që nesër në 10:00 do jem në koference shtypi dhe do të zhvilloj konferencë çdo javë për të demaskuar këtë mashtrues ordiner si Kryeministri më shpirtlig e më i zi i shqiptarëve”, tha Maliqi në seancën e sotme.
