Kuvendi i Shqipërisë ka miratuar në parim këtë të enjte projektligjin për amnistinë penale me 84 vota pro, të siguruara nga mazhoranca socialiste.
Për shkak se amnistia penale kërkon shumicë të cilësuar, në seancë mori pjesë edhe Edi Rama, i cili votoi në favor të projektligjit. Ndërkohë, deputetët e opozitës nuk morën pjesë në votim, duke bojkotuar procesin.
Seanca plenare u shoqërua me tensione dhe debate. Kryetari i parlamentit, Niko Peleshi, vendosi përjashtimin e deputetit Agron Shehaj, pasi ky i fundit, gjatë procesit të votimit i i bënte thirrje vazhdimisht Ramës për dorëheqje.
