Presidenti Ilir Meta kujton 1-vjetorin e akodrimit të “Luanit të Artë” të Venecias, ndërsa shprehet se do të riangazhohet për miratimin e Ligjit për Referendumet.
Përmes një postimi në rrjetet sociale, Meta shkruan se populli duhet të flasë “me zërin dhe votën e tij” në mënyrë që ata që ai i quan “armiq të popullit” të mos flasin në emër të tij.
“Duke kujtuar 1-vjetorin e “Luanit të Artë” të Venecias, sot më duhet të riangazhohem që së bashku me Parlamentin e ardhshëm të miratojmë Ligjin për Referendumet në mënyrë që armiqtē e POPULLIT të mos lodhen kaq shumë duke folur në emër të Tij.
Populli flet vetë me zërin dhe votën e tij! Po afron ora që të rimarrë tërësisht sovranitetin në duart e tij:
1. – Deputetët 100% nga Populli.
2. – President i Republikës nga Populli.
3. – Ligj për zhbllokimin e së drejtës kushtetuese për Referendumet.
Populli i 2 marsit është garancia më e mirë. Populli nuk ka ikur nga Bulevardi. Do largohet vetëm ditën kur të miratohet Ligji për Referendumet”, shkruan presidenti Meta.
