Shqiptarë e italianë p*rdhunojnë 40-vjeçaren / Nisin hetimet

Një grua rumune, rreth 40-vjeçe, është përdhunuar në grup, nga shqiptarë, rumunë e italianë. Ngjarja e rëndë ka ndodhur në Bolonja, ku disa shqiptarë, italianë dhe rumunë, kanë abuzuar me gruan, duke e dhunuar seksualisht brenda një ofiçine.

Denoncimi është bërë në polici nga 40-vjeçarja, ndërsa kanë nisur hetimet për dhunë seksuale dhe pengmarrje.

Sipas dëshmisë së gruas, ngjarja ka nisur të enjten në mbrëmje, kur ajo kishte dalë nga një bar dhe i ishte drejtuar banesës së saj.

Por ajo është ndaluar nga një makinë ku ndodheshin 5 burra, shqiptarë, italianë dhe rumunë. Ky i fundit mësohet se kishte njohje me gruan, të cilën e kanë hipur në makinë me zor.

LEXO EDHE  Sekretari i PD Elbasan: Gaz Bardhi na prit në Tiranë më 11 dhjetor, do të japim një dopio

Më pas makina është drejtuar një ofiçineje

Ajo ka treguar se është goditur dhe më pas përdhunuar deri në mëngjes nga 5 persona. Ajo ka treguar për policinë se në mëngjes e kishte gjetur celularin dhe fillimisht i ka kërkuar ndihmë shokut të saj dhe më pas ka telefonuar policinë.

Policia mësohet se ka sekuestruar pamjet e kamerave të sigurisë për të qartësuar të gjithë denoncimin e rumunes, ndërsa pronari i ofiçinës ka mohur të ketë dijeni për atë që ka ndodhur.