Premier League shpall fituesin e çmimit “Futbollisti i Vitit”

Kapiteni i Liverpoolit, Jordan Henderson, është shpërblyer me çmimin “Futbollisti i Vitit” nga Shoqata e Gazetarëve të Futbollit në Premier League.

Mesfushori anglez luajti rol të rëndësishëm në skuadrën e Liverpoolit që fitoi këtë sezon titullin kampion pas 30 vitesh.

Ky është çmimi më i vjetër individual në futbollin anglez dhe i jepet një lojtari që ka pasur ndikim të madh në paraqitjet e klubit gjatë atij sezoni, si dhe ka performuar individualisht mirë gjatë sezonit. Ky çmim është ndarë për herë të parë në sezonin 1973-74 ndërsa fituesi I fundit ishte Virgil van Dijk në vitin 2019.

LEXO EDHE  “Abissnet Superiore”/ Kukësi-Vllaznia, ja formacionet e mundshme