Mema vlerëson Egbo-n: Ai është çelësi i suksesit, e mori skuadrën në vendin e 8-të

Ardian Mema, u shkarkua nga klubi i Tiranës për shkak të rezultateve të dobëta të skuadrës. Vendin e tij e mori Emanuel Egbo i cili u caktua si trajneri i përkohshëm i bardhebluve.

Impakti i tij ishte i menjëhershëm dhe skuadra me të në krye filloi të korrte rezultate pozitive ndërsa vetëm pak ditë më parë Tirana u shpall kampione e Superligës pas 11 viteve.

Për këtë sukses të Egbo, ka folur pikërisht Ardian Mema. ish-trajneri i Tiranës, ishte i ftuar në emisionin “Pressing”, në ABC News. 48-vjeçari i ka dhënë meritat e plota teknikut Nigerian duke e cilësuar si çelësin e skuadrës bardheblu.

“Egbo ka ardhur te Tirana kur ka qenë në vend të tetë. Kur Egbo mori Tiranën, ishte momenti më i vështirë. Egbo ka pasur mision të mbyllë fazën e dytë. Unë nuk ndihem i tradhtuar nga stafi im, në asnjë mënyrë. Kur kam shkuar te Tirana, kam gjetur vetëm Egbon si trajner portierësh.

Egbo ka drejtuar dhe Ballshin. Pak a shumë, kjo ka qenë tabloja me Tiranën. Pastaj Egbo pati vazhdimësi me Tiranën dhe kjo nuk diskohet, ai është çelësi i arritjes së Tiranës.

Torassa ishte 31-vjeç dhe shkoi në Kinë. Ai ekipi në Kinë, falimentoi nga financat dhe Torassa ngeli shtatë muaj pa stërvitje. Atij i duhej koha e nevojshme për të gjetur rendimentin fizik. Shtyllë e gol, është trajner i mirë. Shtyllë e jashtë, është trajneri i keq. Por nëse bëni një analizë, ajo është pjesa që nuk gënjen kurrë”, tha Mema.

LEXO EDHE  Shqipëria dominon Armeninë, kombëtarja e femrave shkëlqen me 5 gola