Ardian Mema është i ftuar i përjavshëm në rolin e specialistit në emisionin “Sport News Plus” të moderatores Daljana Sejdia, në televizionin “News 24”. Në analizën e bërë në lidhje me paraqitjen e Kombëtares shqiptare në duelin ndaj Spanjës, Mema ndër të tjera u shpreh:
“Unë mendoj që është një brez futbollistësh shumë të mirë. Gjenerata është shumë e rëndësishme. Ky brez është i rritur jashtë. Rriten me infrastrukturë dhe profesionalizëm.
Janë shumë më mirë se në Shqipëri. Janë avantazh këto për çdo futbollist. Kjo është gjë e mirë, por ka dhe një të keqe, që këtu duhet të punojmë shumë për të nxjerrë futbollistë. Ky ekip ka lojtarë shumë të spikatur, sidomos ata që luajnë në Serinë A. Ky ekip do akoma një lloj rinovimi. Mund të ketë prurje të reja. Prurjet nga U-21 kanë qenë të goditura. Ngelet për t’u parë, koha i tregon të gjitha.
U-21 luajtën mirë, pavarësisht humbjes. Balliu më pëlqeu, për mendimin tim hynte në lojtarët e mirë.
Ekipi kombëtar merr lojtarët më në formë. Trajneri është si puna e bariut, duhet ti vendosë gjërat dhe ti bëj siç duhet. Mund të jetë bërë gabim me Balliun që nuk i është besuar më shumë.
Balliu luan në kampionate të forta dhe t’i se thërret fare, ky është gabim shumë i madh. Duhet t’ia jepnin shansin më përpara.
Lojtarë si Broja njëherë në 30 vjet mund t’i vijnë Shqipërisë. Është cilësi e lartë, kur bën diferenca në Angli, është shumë i vlefshëm për ne. Trajneri e di shumë mirë, se ka eksperiencën e vetë. Por duhet të ruajë ekuilibrat, se dikush cenohet kur trajneri thotë diçka. Është një menaxher që duhet të menaxhoj 30 veta”, u shpreh Mema.
