Tirana lëviz në merkato, bardheblutë pranë firmës me sulmuesin kosovar

Tirana kërkon të përforcojë repartin e sulmit dhe në fokusin e tyre është sulmuesi kosovar Albion Avdijajn.

26-vjeçari i cili në të kaluarën  është aktivizuar edhe me Shqipërinë U21 përflitet se është shumë pranë firmë me kampionët më të rinj të Superligës çka do të ishte edhe transferimi i parë i Tiranës për merkaton e verës.

Karriera e Avdijaj nuk ka shkuar në bazë të pritshmërive dhe eksperiencën e fundit e ka me Viborg në Danimarkë. Asnjë gol në gjashtë ndeshje, ndërkohë që vetëm një ndeshje e ka nisur si titullar.

Këtë sezon e kishte nisur me Grasshopper, ndërsa golin e fundit e ka realizuar në tetor të vitit 2018, kur ishte pjesë e Debrecen në Hungari. Avdijaj ka luajtur në elitën e futbollit zviceran edhe me Vaduz, por nuk ka spikatur si një golashënues.

LEXO EDHE  Nuk ka humbur asnjë derbi, Jasir Asani: Partizanit i ka munguar vetëm goli, ju tregoj rezultatin e saktë ndaj Tiranës

Sezonin më të mirë e ka në vitin 2015, kur ishte pjesë e Wolfsburg II dhe shënonte 11 gola në ligën e katërt në Gjermani. Një vit më parë ai i është propozuar klubit të Kukësit, që nuk është bindur dhe tani duket se do të luajë për herë të parë në Superiore me Tiranën.