Një 59-vjeçar është plagosur me thikë në Berat. I lënduari ndodhet në spital, jashtë rrezikut për jetën, ndërsa autori është vënë në pranga.
“Nga Specialistët e Seksionit për Krimet në Komisariatin e Policisë Berat u bë arrestimi në flagrancë i shtetasit: F.Ç, 59 vjeç, banues në Berat. Arrestimi i tij u bë pasi një konflikti të ndodhur për motive të dobëta, në afërsi të ish Markatës, Berat, goditi me thikë shtetasin G.P, 59 vjeç, banues në lagjen ‘Uznovë’, Berat”, njoftoi policia.
I plagosuri ka marrë ndihmën mjekësorë në Spitalin Rajonal Berat, dhe ndodhet jashtë rrezikut për jetën.
Ndaj autorit janë ngritur akuzat për veprën penale, “Plagosja e rëndë me dashje”, “Prodhim, mbajtje, blerje apo shitja pa leje e armëve të ftohta”.
