Pas paralajmërimit të Yuri Kim, Tabaku: Kandidatët për deputet po i vetojmë

Jorida Tabaku, ish-deputete, ka reaguar ndaj një postimi të Ambasadores amerikane, Yuri Kim, e cila ka kërkuar nga drejtuesit e partive që të kenë kujdes me përzgjedhjen e kandidatëve për deputetë, duke shtuar se përgjegjësia do të bjerë mbi ta.

Tabaku në reagimin e saj shprehet se PD po veton kandidatët si asnjë parti në rajon.

Tabaku iu referua jo vetëm procesit të dekriminalizimit, por edhe procesit që ka nisur brenda PD për përzgjedhjen e kandidatëve, të cilët do të vetohen sipas një formulari të hartuar me ndihmën e ambasadës amerikane në Tiranë, me modelin që FBI ndjek për administratën amerikane.

LEXO EDHE  Eurostat: Inflacioni në shtator u rrit me 2.6%, kryesisht nga ushqimet

“Krenare që PD ka udhëhequr procesin e dekriminalizimit dhe sot janë larguar më shumë se 17 zyrtarë të zgjedhur nga PS dhe 300 nga administrata publike. Krenarë që PD po ndërmerr një proces të bazuar në meritë për përzgjedhjen e kandidatëve për deputetë. Të gjithë kandidatët e zgjedhur dhe të emëruar do të vetohen si në asnjë parti tjetër në rajon”, shkruan Tabaku.