Në vendin tonë, në 24 orët e fundit janë regjistruar 3 viktima nga koronavirusi, ndërsa janë regjistruar 68 raste të reja, 51 raste më pak se dje (119).
Betejën me virusin nuk e kanë fituar dot përkatësisht; një 57-vjeçare dhe një 80-vjeçar nga Tirana me sëmundje bashkëshoqëruese, dhe një 62-vjeçar nga Fieri pa sëmundje të tjera.
Aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 124 pacientë, 20 në terapi intensive dhe 7 pacientë janë të intubuar.
Gjatë 24 orëve të fundit janë shëruar 66 qytetarë duke e çuar numrin e të shëruarve në 2463 që nga fillimi i epidemisë.
