Ministria e Shëndetësisë deklaroi sot zbulimin e 119 të prekur me koronavirus, ndërsa është rënduar situata edhe në dy spitalet COVID.
Në dy spitalet COVID, në spitalin Infektiv dhe atë “Shefqet Ndroqi” po trajtohen 125 pacientë, 20 në terapi intensive dhe 4 pacientë janë të intubuar.
Kjo përbën edhe shifrën më të lartë që prej fillimit të pandemisë, jo vetëm sa i përket numrit të të shtruarve, por edhe pacientëve që ndodhen në terapi intensive.
Në kushte të tilla, Ministria e Shëndetësisë i bën thirrje qytetarëve për të mbajtur maskën detyrimisht në ambientet e mbyllura, për të ruajtur distancimin fizik dhe higjienën personale.
Referuar shifrave të publikuara sot nga Ministria e Shëndetësisë, krahasuar me një ditë më parë, ka një shtim me thuajse 38 raste të reja, ndonëse ka edhe mbi 200 testime më shumë.
COVID-19 – Statistika (21 Korrik 2020)
Testime totale 36388
Raste pozitive 4290
Raste të shëruara 2397
Raste Aktive 1776
Humbje jete 117 (Qarku Tiranë 60, Shkodër 20, Durrës 17, Fier 5, Elbasan 5, Vlorë 4, Kukës 2, Lezhë 1, Berat 1, Dibër 1, Korçë 1)
Shpërndarja gjeografike e rasteve aktive sipas qarqeve:
Tiranë 893
Durrës 201
Shkodër 201
Vlorë 100
Lezhë 89
Korçë 63
Kukës 52
Elbasan 51
Fier 43
Berat 35
Dibër 26
Gjirokastër 22
