Pas mbledhjes disa orëshe në Këshillin Politik, deputetja Rudina Hajdari u shpreh se opozita e bashkuar i qëndron marrëveshjes, ndërsa shtoi se nuk ka asnjë datë se kur do të miratohet.
Hajdari theksoi se lideri i opozitës Lulzim Basha nuk duhet të humbë më kohë, pasi sipas saj e ardhmja e Shqipërisë nuk pret dhe se shqiptarët kanë nevojë për një reformë dinjitoze.
“I bëj thirrje opozitës jashtëparlamentare që të mos i rreshtoje demokratët me ata njerëz që duan lista të mbyllura. Por me çdokënd që mbështet listat e hapura. Kemi nja shans historik për të hapur listat, për të përqafuar një ndryshim thelbësor për Shqipërinë dhe për zgjedhjet e ardhshme parlamentare.
Pashë që opozita jashtëparlamentare ka pranuar që marrëveshja nuk është e plotë, unë kam një kërkesë për zotin Basha, përse e braktise parlamentin shqiptar? Ky është një shans dhe një shtrirje dorës për t’i kërkuar opozitës t’i rreshtohen kësaj kauze, të rreshtohen me qytetarët që duan këtë ndryshim thelbësor.
Ndryshe mendoj që marrëveshja është një pikënisje, por jo fundi i rrugës nuk mundet që demokratët të lënë negocimin e kësaj marrëveshje te një person që nuk ka as tagrin e një vote”, tha Hajdari.
