Drejtuesi politik i PD-së në Qarkun e Elbasanit, Tomorr Alizoti, ka dhënë një prononcim për mediat në lidhje me ngjarjen e ndodhur natën e kaluar, ku persona ende të paidentifikuar vodhën zyrën e PD-së në Cërrik, duke marrë kompjuterin dhe një televizor.
Alizoti akuzoi direkt Partinë Socialiste dhe Edi Ramën për këtë vjedhje, pasi sipas tij, çdo hajdut është i lidhur me kryeministrin. Ai e konsideroi si një akt të turpshëm dhe një akt burracak politik.
“Zoti kryeministër unë e di që jeni një njeri banal, e di që çdo hajdut në Shqipëri është i lidhur me ju, si Sarandë, Shkodër, Elbasan Ju jeni prirësi i hajdutëve. Keni qenë qe te gjyshi dhe deri te ju. Ju jeni vetëm banaliteti. Të jeni i sigurt që është kënaqësia jonë si PD të shtypim njerëzit banalë, kjo që keni bërë sot duke cënuar degët elektorale është një akt i turpshëm, është një akt burracak politik, por është një gjë që vetëm na vërteton se çdo hajdut në Shqipëri, çdo kriminel në Shqipëri është mik i juaji”, – tha Alizoti,
Deputeti demokrat theksoi se kompjuteri, i cili u vodh nga zyra elektorale e PD-së në Cërrik, përmbante listat e sigurta të votuesve demokratë.
“Thyerja e zyrës është akt politik dhe nuk bëhet për sendin por bëhet për cënimin e një zyre elektorale gjatë fushatës elektorale. Kompjuteri për ata që i njohin zgjedhjet përmban listat e sigurta të votuesve të demokratëve i cili është një informacion i PD dhe është në duart e kundërshtarit. Tani ta shohin të gjithë ata që besojnë te BE, të gjithë amabsadorët, ta shohim edhe SPAK pasaportën europiane.
Zoti kryeministër unë e di që jeni një njeri banal, e di që çdo hajdut në Shqipëri është i lidhur me ju, si Sarandë, Shkodër, Elbasan Ju jeni prirësi i hajdutëve. Keni qenë qe te gjyshi dhe deri te ju. Ju jeni vetëm banaliteti. Të jeni i sigurt që është kënaqësia jonë si PD të shtypim njerëzit banalë, kjo që keni bërë sot duke cënuar degët elektorale është një akt i turpshëm, është një akt burracak politik, por është një gjë që vetëm na vërteton se çdo hajdut në Shqipëri, çdo kriminel në Shqipëri është mik i juaji. Thirrja ime është për demokratët të qëndrojmë, thirrja ime është për qytetarët e Elbasanit dhe Shqipërisë të qëndrojmë dhe të kuptojnë që në BE nuk shkohet me xhepista dhe thyerje xhamash”, tha Alizoti.
