Del foto, ja kush është 39-vjeçari Emiljano Ramazani që u ekzekutua në Elbasan

BoldNews.al, ka siguruar foton e viktimës Emiljano Ramazani, i cili u ekzekutua me 5 plumba brenda makinës së tij në Elbasan.

Emiljano Ramazani mbeti i vdekur në vend nga të shtënat. Policia, ka ngritur pika kontrolli për të kapur autorët ende të paidentifikuar.

Këta të fundit, menjëherë pas ngjarjes, kanë djegur edhe automjetin tip ‘Volkswagen’ në një zone me ullishte në Bradashesh.

Ndërsa mësohet se targat e automjetit të përdorur nga autorët, janë vjedhur rreth 10 ditë më parë në Tiranë.

Hetimet/ E shkuara e viktimës Emiljano Ramazani

39-vjeçari nuk është një emër i panjohur për Policinë, ndërsa mësohet se është me precendetë të mëparshëm penalë. Nga hetimet e para dyshohet se Ramazani u ekzekutua për pazare droge.

Në vitin 2012 gjatë operacionit të koduar “Tabakane 2”, Emiljano Ramazani i njohur edhe me nofkën “Rramani” u arrestua së bashku me 5 persona të tjerë pasi prokuroria kishte prerë fletë arresti për prodhimit dhe mbajtjes së lëndëve narkotike të kryer në bashkëpunim në formën e shitjes më shumë se një herë.

LEXO EDHE  Rakipi-Ramës: Pse mos shkosh ti në burg që ke 8 vjet në qeverisje?

Nuk dihet se si i ka shpëtuar drejtësisë 39-vjecari pas këtij arrestimi por dihet se edhe në vitin 2017, Emiljano Ramazani është arrestuar nga blutë e Elbasanit në kuadër të operacionit ‘Porosia e fundit’. Asokohe, 39-vjeçarit iu sekuestruan 10 doza kokaine gati për shitje./BoldNews.al/

LEXO EDHE: 

Dyshimet për vrasjen e Emiljano Ramazanit, ja pistat ku po heton Policia

Ekzekutimi i Ramazanit/ Dalin pamjet e automjetit të djegur në Elbasan, targat të vjedhura 10 ditë më parë