Një 28-vjeçar shqiptar ka humbur jetën në Termoli të Italisë orët e vona të së dielës, si pasojë e një aksidenti rrugor.
Sipas asaj që bëjnë të ditura mediat lokale, shqiptari u përplas nga një makinë tip Volkswagen Tiguan, teksa po kalonte rrugën në këmbë.
Përplasja rezultoi fatale për jetëne e shqiptarit, identiteti i të cilit nuk bëhet i ditur.
Shoferi i makinës ka deklaruar përpara policëve se nuk e kishte parë shqiptarin të kalonte.
“Nuk e pashë, kaloi papritmas”, është shprehur ai.
Autoritetet dyshojnë se shkak i ngjarjes mund të jetë bërë pagjumësia e shoferit, por edhe shpejtësia e lartë.
