Skënder Brataj, kreu i Urgjencës Kombëtare dhe anëtar i Komitetit Teknik anti-Covid, paralajmëroi dje se në dy javët e ardhshme do të këtë një rritje të rasteve me Covid-19, duke e lidhur këtë me transportin publik dhe mosrespektimin e masave.
Por Erion Dasho, ekspert i shëndetit publik, shprehet se parashikimet e Komitetit të të Paditurve nuk dalin, pasi shkalla e përhapjes së koronavirusit në Shqipëri është e panjohur.
Dasho shkruan se 3 mijë raste të raportuara, 1 për 1000 banorë janë një shifër e papërfillshme.
Madje eksperti shkruan se edhe sikur dy muaj pas hapjes të kemi pasur 36 mijë raste, ato përbëjnë 1 % të popullatës, sërisht një shifër e papërfillshme.
Dasho i sugjeron Komitetit që të bëjë detyrën, të shtohen testimet dhe gjurmimet e rasteve.
Reagimi nga Erion Dasho
NUK KANË TË SOSUR GAFAT E ANTARËVE TË KOMITETIT TË “EKSPERTËVE”!!!
Dje ishim dëshmitarë të një antari ende të “pakonsumuar” që deklaroi se PIKU i sëmundjes pritet në dy javët e ardhshme.
Komiteti i të Paditurve (në epidemiologji dhe jo në fushat e tyre, ku janë profesionistë të nderuar) nuk rresht së bëri parashikime të cilat deri tani nuk kanë dalë. PËRSE?
NË RADHË TË PARË, SHKALLA E PËRHAPJES SË COVID NË SHQIPËRI ËSHTË ENDE E PANJOHUR.
3,000 RASTE TË RAPORTUARA PËRBËJNË VETËM 1 PËR 1,000 TË POPULLATËS, SHIFËR KJO E PAPËRFILLSHME.
PERSONALISHT, KAM BËRË NJË VLERËSIM PARA DISA DITËSH DUKE U NISUR NGA NUMRI I RAPORTUAR I VDEKJEVE (QË GJITHSESI DUHET MARRË ME REZERVA). BAZUAR NË KËTË VLERËSIM, NE MUND TË KEMI RRETH 600 RASTE NË DITË. DUKE E MARRË KËTË SHIFËR TË MIRËQËNË, NË DY MUAJ HAPJE MUND TË KEMI PATUR MAKSIMUMI 36,000 RASTE OSE RRETH 1% TË POPULLATËS TË INFEKTUAR. PËRSËRI SHIFËR E PAPËRFILLSHME!
NË KËTO KUSHTE, PIKU PAS DY JAVËSH, EDHE NË SE VJEN, DO TË JETË NJË “PIK I KOMANDUAR” DHE JO NJË PIK REAL!
Në vend që të vazhdojë të dëmtojë shëndetin e qytetarit (sepse kur një antar i komitetit flet qesim, populli humbet besimin edhe tek këshillat e vlefshme), shëndetin mendor (duke e terrorizuar qytetarin me kërcënimin e pikut imagjinar), jetën sociale (duke “profetizuar” për kufizime të reja) dhe ekonominë (njoftimi brenda pak orësh përfundoi në një nga website-t më prestigjioze për turistët rusisht-folës), komiteti bën mirë të marrë masa për:
1. Të rritur numrin e testimeve
2. Të kthejë spitalet në mjedise me risk zero
3. Të rritë sigurinë në administratë, biznese dhe transportin publik
4. Të forcojë strukturën trajtuese nga mjeku i familjes deri tek spitalet terciare
5. Të vendosë theksin tek parandalimi i transmetimit të COVID në familje, aty ku ndodh mbi 30% e infektimeve dhe ofrohet mbi 85% e kujdesit
TË NDERUAR KOLEGË TË KOMITETIT!
MERRUNI ME PUNËN TUAJ PRIMARE DHE BOLL BËTË EPIDEMIOLOGUN AMATOR!
SHËNDETI PUBLIK DHE EPIDEMIOLOGJIA JANË SHKENCA SIKUNDËR SËMUNDJET INFEKTIVE APO URGJENCA MJEKSORE DHE NUK MËSOHEN PËR NJË DITË!
SHËRBEJINI QYTETARIT NË FUSHËN KU JENI EKSPERTË DHE KËRKONI NDIHMË ATU KU NUK JENI KOMPETENTË!
NJË SITUATË EPIDEMIE NUK ËSHTË KOHA PËR TË EKSPERIMENTUAR GJITHOLOGËT!
