Dyshimet/ Me çfarë të ardhurash po e ndërton hotelin 6-katësh drejtori i Bashkisë?

Ish-kryeministri Sali Berisha ka publikuar një mesazh për të cilin tregon se ka ardhur në adresë të tij, e që ngre dyshime mbi ligjshmërinë e pasurisë së një zyrtari të Bashkisë së Vlorës.

Në mesazhin e publikuar nga Berisha, shkruhet:

“Këtu në lagje jeton një zotëri me emrin Taulla Zanaj, drejtor i financës në Bashkinë e Vlorës. Zotëria ka shumë vite në këtë pozicion dhe kur ishte kryetar Gjika. Tani po përfundon një hotel me 6 kate. Ku i gjeti të ardhurat ky zotëri kur është me rroge ky dhe e shoqja mësuese??? (pyetjen normal që nuk po jua drejtoj juve)”.

Ndërkohë, ish-kryeministri, në komentin që shoqëron denoncimin e qytetarit shkruan: “Drejtorit ne Vlore i mbin nga toka hoteli”.

Foto e hotelit, e publikuar nga Berisha
LEXO EDHE  “KRIIK Albania” apel mazhorancës: Tërhiquni nga miratimi i njëanshëm i ndryshimeve në Kodin Zgjedhor