Egbo: Sfida ndaj Flamurtarit ndër më të vështirat, ju tregoj pse!

Pas dy ndeshjeve gjysmëfinale të Kupës së Shqipërisë, në fundjavë rikthehet të luhet Kategoria Superiore.

Ditën e nesërme, Tirana pret Flamurtarin në orën 17:45. Në prag të kësaj sfide të rëndësishme për bardheblutë, trajneri I skuadrës, Emmanuel Egbo, ka folur për gjendjen e skuadrës së tij dhe për kundërshtarët. Egbo ka deklaruar se ndeshja ndaj Flamurtarit është një nga ndeshjet më të vështira për ekipin e tij kjo pasi skuadra po i afrohet titullit kampion dhe tashmë çdo takim bëhet i vështirë.

Përballja ndaj Flamurtarit – “Ndeshje e fituar për ju, por është një nga ndeshjet më të vështira që mund të luaj një ekip pretendent. Edhe Flamurtari edhe Luftëtari, apo ekipet e tjera që janë poshtë, janë njësoj për ne si ato që janë në vend të dytë apo poshtë nesh.

“Ndeshja duhet të vlerësohet maksimalisht nga ekipi dhe lojtarët tanë. Do t’i marrim ndeshjet një nga një, e kemi vlerësuar maksimalisht dhe nuk e kemi luksin ta nënvlerësojmë apo të gabojmë”.

“Në këtë fazë të sezonit të gjithë lojtarët e dinë që është një ndeshje që duhet ta fitojmë. Nuk duhet ta humbasim motivimin e brendshëm. Nuk ka hapësirë për nënvlerësim, duhet të luftojmë për të arritur objektivin tonë”.

LEXO EDHE  Dygolësh i Alarios, Leverkuseni mposht Augsburgun dhe ngjitet në vendin e katërt