Rama i përgjigjet Metës: Askund nuk bëhen referendume për ndryshimet

Kryeministri Edi Rama i është përgjigjur Presidentit Ilir Meta, sipas të cilit, ndryshimi i sistemit bëhet vetëm me referendum dhe se ai nuk do t´i njohë ato.

Me një postim në Twitter, Rama thekson se “askund nuk bëhet referendum për këto çështje”.

“IM thotë ndryshimi i sistemit, heqja e koalicioneve,hapja e listave bëhen vetëm me referendum!Askund nuk bëhet referendum për këto çështje.

Ndërsa këtu as sistemi s’do ndryshojë,as koalicionet s’do ndalohen,po listat do hapen nga Kuvendi i Shqipërisë me ligj, me zakon e me karton!”, shkruan Rama.

LEXO EDHE  Pas vendimit për Skenderbeun, UEFA: Luftë ndeshjeve të fiksuara, u hodhën poshtë pretendimet

Në vijim Rama shkruan “sa për modelin lindor, modeli i koalicionit që kemi s’është as perëndimor,as jugor,as verior dhe prandaj nuk gjendet askund në lindje a në perëndirm! Modeli i ri do të jetë gjerman e plotësisht europian, koalicion tamam, me zë, figura e program,jo kosh karavidhesh pa din as iman!”.