Meta paralajmëron Ramën: Populli atje është, mos harro 2 marsin

Presidenti Ilir Meta ka reaguar ashpër sot lidhur me ndryshimet Kushtetuese, ndërsa ka risjellë në vëmendje mitingun e 2 marsit, ku paralajmëroi shpërndarjen e Parlamentit, gjë që sipas tij e ka kërkuar vetë populli shqiptar.

I pyetur përse dekreton ligje ndërkohë që Parlamentin e quan ilegjitim, Meta u shpreh se në sjelljen e tij nuk ka asnjë kontradiktë, por dhe situatë perfekte nuk ka.

“Nuk dua të përgjigjem, më thoni mua mos ka ndonjë kontradiktë, firmos ligje me 84 vota, ju kërkoni perfeksion kushtetues, ligjor, procedurial nga presidenti që ka qenë dhe mbetet shembulli më i mirë i respektimit në frymë dhe në gërmë të kushtetutës të cdo ligji, konvente ndërkombëtare dhe kërkoni ta vini presidentin në situatë jo perfekte duke harruar se presidenti që kur u hodh ideja e marrë e djegjes së mandateve ka qenë kundër dhe u ka thënë në sy.

E dyta, bëra të qartë, qeveria të bëjë dy hapa pas, e opozita një hap pas, të mos djegë mandatet. Edhe diplomatëve që u tha kjo do të sjellë krizë, e vetmja gjë që mund të bënte presidenti ishte që ta linte edhe këtë institucion dhe ka dy vjet që provokohet nga të gjitha drejtimet që ta lërë edhe të vetmin institucion legjitim për fat të keq.

LEXO EDHE  Vasili: Përballë COVID-it pa drejtim dhe në kaos organizativ, qeveria të ikë!

Ato bëhen me dakordësi totale, sic u bënë kur isha kryetar Kuvendi.

Në propozimin tim për Ramën, në 8 prill, thashë se nëse duhen ndryshime që kanë të bëjnë me prekjen e paketës së reformës së drejtësisë e për cdo cështje të tillë të rëndësishme kjo duhet bërë në konsensus të gjerë.

Presidenti këtu është, nuk ikën Presidenti, por populli aty është, e kujtoni 2 marsin, shpërndaje shpërndaje thotë, se do flasim me letra, jo me hartime.

Nuk do zgjedhim asnjë model lindor, na kaluan njëhere si kusur të Jugosllavisë, por tani e kemi rrugën e përcaktuar do të bëhemi vetëm anëtar të BE”, tha Meta.