“Ndizet” Kategoria Superiore, në fundjavë vendosen fatet e skuadrave për Europën

Java e 34-t e Kategorisë Superiore shtrihet në dy ditë, përkatësisht ditën e shtunë dhe të dielën.

Të shtunën do të luhen dy ndeshje dhe sytë do të jenë nga Tirana që do kërkojë të marrë tre pikët kundër Flamurtarit. Titulli kampion për bardheblutë kalon nga kjo ndeshje, që nis prej orës 17:45.

Në të njëjtën orë luhet edhe në Gjirokastër, aty ku Luftëtari i vendit të fundit pret Skënderbeun.

Dita e diel, rezervon tre sfida që fare mirë mund të konsiderohen si finale për sa i përket pjesëmarrjes së skuadrave në Kupat e Evropës.

Ndeshja e parë është ajo mes Bylisit dhe Laçit. Ballshiotët, të zhgënjyer pas eliminimit nga Kupa e Shqipërisë, do tentojnë të mposhtin kurbinasit.

LEXO EDHE  Tirana piketon zëvendësuesin e Michael Ngo'o

Këta të fundit synojnë të ruajnë vendin e tretë dhe sigurimin e pjesëmarrjes në kupat e Europës. Tre orë më pas, Kukësi do tentojë t’i shtyjë festën Tiranës dhe për këtë duhet të mundë Vllazninë në Shkodër. Kuqeblutë do tentojnë të mos dalin pa pikë, për të shpresuar në lënien e vendit të tetë në renditje.

Takimi tjetër është një finale për Europën. Teuta, nëse mund Partizanin, siguron matematikisht pjesëmarrjen në kupat e Europës. Triumfi i durrsakëve i vlen shumë edhe Laçit, nëse merr të paktën një pikë në Ballsh.

Java e 34-t e Kategorisë Superiore:

E shtunë

Ora 17:45.  Luftëtari-Skënderbeu
Ora 17:45, Tirana-Flamurtari

E diel

Ora 17:45, Bylis-Laçi
Ora 20:45, Vllaznia-Kukësi
Ora 20:45, Teuta-Partizani