Vapa “tërbon” Ramën, kundër opozitës dhe ndërkombëtarëve

Nga BoldNews.al

Çdo pushtet i mbajtur me thonjtë e e zi të krimit, që u “pastrua” nga lavatriçja Rilindje, nuk lëshohet lehtë. Në fund del kundër të gjithëve, opozitës së vërtetë e cila ka djegur mandatet e deputetëve, por mbi të gjitha edhe faktorit ndërkombëtar, qofshin ato ambasadorë apo përfaqësues të lartë të BE-së.

Kryeministri Edi Rama, në më shumë se një orë llomotitje në një konferencë shtypi, u hakërrye kundër të gjithëve dhe u shpreh i vendosur se do ti shkojë deri në fund idesë së ndalimit të koalicioneve para zgjedhore dhe me lista të hapura.

E gjithë konferenca ishte një klithje hakërruese, duke kërcënuar dhe injoruar jo vetëm opozitën e vërtetë, por edhe faktorin ndërkombëtar. Përfundimisht Rama shkeli haptas marrëveshjen e 5 qershorit e cila u përshëndet edhe ndërkombëtarët. Pamja e tij sot fliste shumë. Urrejtje për të gjithë dhe gjithëlloj marifetesh për të synuar në çdo formë të sigurojë një pushtet të cilin edhe vetë ka punuar fort për ta degraduar.

Ndalimi i koalicioneve parazgjedhore dhe listat e hapura ishin dy ndryshime rrënjësore që përbysin systemin aktual zgjedhor dhe detyrimisht shkon në ndryshime kushtetuese. Për ta realizuar, kërkohen 94 vota në Parlament, të cilat janë bërë gati me kohë, pasi Rama e ka provuar se me një të rënë bilbilit të tij, të ashtëqaujturit opozitarë në Parlament janë gati të votojnë çdo propozim të Ramës, edhe pa e lexuar.

Nga ana tjetër, ndryshimet Kushtetuse në kohë pandemie dhe mbi të gjitha pa u konsultuar dhe në mënyrë të njënashme, kanë ndodhur në dy vende, në Rusinë e Vladimir Putin dhe në Shqipëri, nën drejtimin e Edi Ramës.

LEXO EDHE  FOTO/ Situata dramatike në Kakavijë, shpërthejnë memet në rrjet

Që Rama po qeveris me çmendurinë e autoritari, në kufi të diktatorit, kjo nuk është risi, por hakërrimi edhe kundër ndërkombëtarëve po e kthen vendin në kohën e dikurshme, ku armiqtë nuk ishin vetëm të brendshëm, por edhe të jashtëpn duke i quajtuar revizionistë dhe imperialist… Ka kujt ti ngjajë në këtë drejtim dhe po e imiton me dëshirë në mënyrën më të keqe të mundshme.

Deri më tani kanë rëaguar përfaqësues të Bundestagut gjerman të cilët shprehen se ndryshimet kushtetuese dhe rrëzimi i marrëveshjes së dakordësuar të 5 qershorit, janë nisma që rrezikojnë vendin të mbesë jashtë çdo integrimi të mundshëm drejt BE-së. Megjithatë lënia jashtë oazit Europian, Ramën nuk e tremb, përkundrazi, gradualisht ka krijuar dhe po krijon autoritarizmin e theksuar, duke sfiduar edhe vendet e Perëndimit, që në tre dakedat e fundit në Shqipëri shpesh kanë ndërhyrë për të mos e lejuar vendin të shkojë drejt greminës.

Tashmë është rasti që edhe presioni dhe deklaratat nuk bëjnë më punë. Rama duket i vendosur se vërtetë mund të mos dojë këto nisma të njënshme Europa dhe SHBA, por do Damiani, Gjushi, Beni…, oligarkët dhe grupet kriminale, shpesh të veshur edhe me kostumim e kryebashkiakëve apo zyrtarëve të lartë.