Mbledhja e KLP, caktohen dy drejtues apelesh në rrethe

Këshilli i Lartë i Prokurorisë ka vendosur sot për dy caktime të përkohshëm si drejtues prokurorie.

Me 7 vota pro dhe dy vota kundër (Nurihan Seiti dhe Alfred Balla) Ollga Visi, prokurore në Prokurorinë pranë Gjykatës së Apelit Korçë,  u caktua përkohësisht në funksionin e Drejtuesit të Prokurorisë pranë Gjykatës së Apelit.

Po ashtu, Gjon Fusha, prokuror në Prokurorinë pranë Gjykatës së Apelit Gjirokastër, u caktua përkohësisht në funksionin e Drejtuesit të Prokurorisë pranë Gjykatës së Apelit Gjirokastër.

LEXO EDHE  Surprizat/ Ja çfarë pritet të ndodhë me motin nesër dhe ditët në vijim

Këto caktime të përkohshme janë për një periudhë 3 mujore përkohësisht nga data 16.07.2020 – 15.10.2020, sqaron KLP.

Për shkak të COVID, edhe mbledhja e sotme është mbajtur online.