Personat që nuk mbajnë maskat në ambiente të mbyllura do të ndëshkohen me gjobë. Vlera e gjobës për shkelësit do të jetë në masën e 2 mijë lekëve.
Kjo u bë e ditur nga ministrja e Shëndetësisë, Ogerta Manastirliu, sipas të cilës mbajtja e maskës në ambientet e mbyllura duke nisur që sot bëhet e detyrueshme.
Manastirliu tha se sot kërkohet nga qytetarët jo mbyllja, por mbajtja e maskave, për të parandaluar përhapjen e koronavirusit.
Manastirliu ka njoftuar se është vendosur që maskat dhe barrierat mbrojtëse prej tekstili të bëhen të detyrueshme në cdo ambient të mbyllur.
“Maskat ose barrierat mbrojtëse prej tekstili bëhen të detyrueshme në çdo ambient të mbyllur.
Përdorimi i barrierave mbrojtëse nga çdo qytetar është një masë efikase për kufizimin e përhapjes së COVID19 dhe uljen e numrit të të infektuarve”, tha ajo.
