Një grua, e cila dyshohet se ishte e infektuar me koronavirus, ka humbur jetën mesditën e sotme në Vlorë.
Mësohet se gruaja e moshës 40 vjeçe është dërguar me urgjencë në spital, pasi ishte në gjendje të rëndë shëndetësore.
Ajo është nisur nga Selenica dhe sapo është intubuar në spitalin e Vlorës, ka humbur jetën.
Asaj i është bërë tamponi dhe nesër pritet të dalë përgjigja.
Zyrtarisht Ministria e Shëndetësisë raportoi sot 4 viktima, një prej të cilave 21 vjeç.
