Ylli i mediave sociale, Nicole Thea, ka ndërruar jetë së bashku me djalin e saj të palindur. Nuk dihet ende shkaku i vdekjes së 24-vjeçares, e cila ishte në muajin e 8-të të shtatzënisë.
Lajmi u bë publik në llogarinë e saj në Instagram. Nëna e Nicole tha se e ndjera i kishte vendosur emrin fëmijës së palindur, Reign.
Balerina, e cila jetonte në Londër, informonte ndjekësit rreth shtatzënisë së saj duke publikuar shpesh video në kanalin e saj të YouTube dhe faqen e Instagram. Disa video që Nicole i kishte filmuar para vdekjes së saj do të publikohen në kanalin e saj në YouTube, tha nëna e të ndjerës.
