Bashkimi Europian ka shtyrë edhe me dy javë, pra deri në fund të muajit korrik, masat për ndalimin e qytetarëve nga vendet e treta, ku përfshihet edhe Shqipëria për të udhëtuar drejt Bashkimit Europian.
Pas vendimit të marrë në muajin qershor, ku i ndalohej hyrja qytetarëve nga disa vende, në të cilat ka një shtim të theksuar të rasteve me Covid-19, deri në mesin e muajit korrik, vendimi është lënë në fuqi edhe për 15 ditët e ardhshme.
Në listën e vendeve përfshihen Shqipëria, Maqedonia e Veriut, Kosova, Bosnja Hercegovina, ndërsa janë shtuar edhe Australia dhe Kina, si vende që nuk përmbushin ende kriterin kryesor të menaxhimit të pandemisë COVID-19, që ka të bëjë me numrin e infektimeve për çdo 100.000 banorë. Ky numër duhet t’i korrespondojë nivelit mesatar europian, që është 16 raste infektimi për 100 mijë banorë.
Kjo listë ka tê bëjë konkretisht me heqjen e kufizimeve për udhëtimet jo-esenciale drejt Bashkimit Europian të vendosura pêr shkak tê rrezikut të përhapjes së COVID-19.
Qytetarët e Kinës do të lejohen të udhëtojnë drejt Bashkimit Europuan vetëm nëse Kina heq kufizimet e veta për qytetarët evropianët.
