Meta takon Kryetarin e ri të KLSH, zbardhen detaje nga takimi

Presidenti Ilir Meta, priti sot në një takim Kryetarin e ri të Kontrollit të Lartë të Shtetit, Arben Shehu me rastin e fillimit të ushtrimit të detyrës prej tij.

Duke i uruar suksese në detyrën e tij, Meta i kërkoi Shehut, që veprimtaria e Kontrollit të Lartë të Shtetit të funksionojë në mënyrë të pavarur dhe të pandikuar politikisht.

“Kontrolli i Lartë i Shtetit është institucioni më i lartë kushtetues i kontrollit ekonomik dhe financiar dhe veprimtaria e këtij institucioni duhet të shërbejë veç të tjerave edhe në rritjen e përgjegjshmërisë së çdo institucioni publik në menaxhimin e pasurisë publike, pa asnjë dallim, duke nisur nga Institucioni i Presidentit të Republikës”, theksoi Kreu i Shtetit.

LEXO EDHE  Banka Botërore: Huadhënia në të ardhmen më selektive në reformat që mbështet

Presidenti Meta theksoi se Kontrolli i Lartë i Shtetit duhet t`i nënshtrohet vetëm Kushtetutës dhe ligjeve në fuqi.

Kryetari i Kontrollit të Lartë të Shtetit, Arben Shehu, e garantoi Presidentin e Republikës për ushtrimin me transparencë të funksioneve kushtetuese të institucionit për të cilin është votëbesuar ta drejtojë, në mënyrë profesionale dhe të depolitizuar.